فرهاد کارتونز

زنده یاد و زنده نام استاد فریدون پور ناصح

هر زامان آسدیلار احساسیمی جان قیشقیردی-گوزومون یاشیناتوپراقدایاتان قیشقیردی/ایچه ریمده سازی سیندیردیلاراونسیز ائله بیل-سازینین توزلی تئلینده ن چالاغان قیشقیردی/گونه شی آلدیلا مه ن ده ن نئچه گونله ر،گئجه له ر-قه م لی احوالاتیما،آی،باجادان قیشقیردی/آی بوغولدی گوزومون یاشی ایچینده سیزیلی-قول بویون اولدی دانیله ن الآمان قیشقیردی/تیکان اولدوقلارینی سالدیلا،یاریم گئده نه-باهاریم سولدی جیواریمدا،خزان قیشقیردی/مه ن چیخانداداغا،قیشقیردیم هانی پس مارالیم-آغلادی عینالی،دند و ساوالان قیشقیردی/اوره ییم گیزلیجه آغلیردی قارانلیقدایاواش-گوزله ریمده ن یاش آخاندا،اوجادان قیشقیردی/مه ن،قه می اوتقونوب اولدوم طرب اهلینده ن اوزاق-آغلاییب کونج قه فه س ده،پاپاغان قیشقیردی/گه ل مه دی گنج فریدون سه سی گویده ن بوگئجه-اوره ییم آغلادی گیزلین تازادان قیشقیردی/ال قولوم زنجیره باغلاندی دالیمدان ده فه له ر-دینمه دیم،آهیما حسرتده قالان،قیشقیردی/کورقوش اولدوقلارینین اوستونی اورته ن مه دیله ر-گویده عرشین طاقی،یئرله رده آران قیشقیردی/قویدی گئددی ،کوچه راولدی ،حاچاقویروق سایاقی-یئرکیچیکدیرمه نه،گویده ن،هاوادان قیشقیردی/یازی دوغدی ده لی قانلی آنا،گوزیومماق هامان-قار،یاغیش،سئل،سو،آغاجلاردافیدان قیشقیردی/آغلادیم سیتقاماق ایله ن کی دایان مه ن ده گه لیم-اته یینده ن یاپیشاندا،آپاران قیشقیردی+++شعر از خانم شهین ثنایی همسر استاد/ به یاداستادفریدون پورناصح/سال۹۰

قویوپ گئددی بوروق لی زولفونه تای روزگاریم وار _حراره تده ن اوزاق گونله ر وفاسیزشام تاریم وار/شه ریم شوروم باشیمدان کوچدی سوسقون لیق پئشه م اولدی_ازه لده ن مئحنت اوتماقدافلک ده ن اعتیباریم وار/قوشولدوم گویده سرگردان بولودلاریله ن آغلاشدیم_بودارغین دونیادا قه م ده ن؛تلاطوملی زیواریم وار/باهاریم کوچدی بوباغدان؛قیشین سون گونله ری سولقون_گول اولدوم،گول له راویلاقی اوزاق،سیزقین باهاریم وار/باشیمدا قال ماقال دالغین،بوقیسناقلی حیاتیمدا_ئوزوم اورتوک توتوپ گئتمیرسینیق سالخاق دوواریم وار/هاییم هوی سیز دوشوپ اونسیز،آلیشماقلاریم آرتیملی_مه ن اولدوم ماهنی سیز بیرقوش،بولانلیق حال زاریم وار/او قیوریم ساچلی سیرداشیم،توزاقلی دونیادان کوچموش_اوغورلی گونله ریم کوچموش،که ده رده ن ایل زوماریم وار_دئدیم آی سونمویه ن اولدوز،سونوک دوشمه بوتئزلیقدا_قادان آللام ،کوچوب گئتمه سه ن ایله ن آرزیلاریم وار/ساییلماز اولدی اندوهیم قاداق لی آغزیمی یومموش_بوایسلاق توتموش اووجومدا ،پاخیر توتموش آچاریم وار/مه نی آه توتدی ،قه م ووردی،بواوچغون دونیاقوینوندا_گوزوم آغلار،حالیم پوزغون،نه خوش نقشیم نیگاریم وار+++شعر از خانم شهین ثنایی همسر استاد/ به یاداستادفریدون پورناصح/سال۹۰